2022

dobrez

Performance de danza

‘Dobrez’ é unha investigación sobre o pregado, sobre o xesto propio do acto de gardar, de atesourar, de envolver. As dobreces están porque hai un xesto que as crea (un xesto deformante, ou creador, segundo se mire); modelan as cousas dándolles outra forma, pregándoas. Permiten o recubrimento, o silencio da vista. Son móbiles e posibilitadoras: dunha dobrez saen novos planos. A envoltura que aparece trala dobrez, aproxima as cousas: varios obxectos ou corpos cubertos co mesmo tecido ou papel, por exemplo, gañan semellanza. Pero a envoltura sempre deixa intuir a diferenza que se agocha trala superficie común: observando unha envoltura intúese o que hai por baixo, ela mesma convida a escudriñar, imaxinar, curiosear. Traslada esa tensión do que está semi-oculto: o desexo de saber e, ao mesmo tempo, de manter o misterio. Nese punto, no que é posible renovar a relación entre corpos e obxectos. Estas observacións fanme pensar no meu corpo, na pel que é recubrimento, nas súas dobreces naturais e no adestramento da danza que nos permite pregarnos de diversos modos. E na inspiración que os obxectos, cando son intervidos, poden levar ao corpo e á memoria, e viceversa.

Creación e performance
Sabela Mendoza
Acompañamento
Helena Salgueiro
Vestiario (blusa ‘Jules’)
Xiana Cobo
Axuda á creación
Concello da Coruña
Residencias artísticas
Atopémonos bailando (MIHL, Lugo). A Casa Vella (Amiadoso, Allariz). Azala Espacio Creativo (Lasierra, Álava)
Agradecementos
Colectivo Glovo (Esther Latorre, Hugo Pereira), Javier Martín
Duración
45 minutos

Materiales

 

2020

dedicatoria

Performance-intervención de longa duración (8h)
2019

O público está aquí. Libro

Libro